سمسم القضارف
ما أعظم رواد بلدي الذين خلقوا من أبسط الكلمات والأفكار، ومن اللحن الدائري المتكرر، عملاً فنياً عظيماً، عاش ويعيش رغم التغييرات والتبديلات التي اجتاحت كل الساحات الفنية.
هذا العمل بدأته الرائدة العظيمة "عائشة الفلاتية" بكلمات كان بعضها متداولاً حينها، وأخرى أضافتها بقريحتها وحسها الفنان البسيط، ممزوجةً ببعض ما درج عليه الغناء السائد حينها، وتلاها في القول والأداء المعجزة الغنائية "عبدالعزيز أبو داؤود"، مرسيا ما يعتبر إجازة لأداء هذه الكلمات التراثية البسيطة واللحن الأصيل، لما عرف عنه من تبحر وتمحيص في اختيار كلمات أغنياته، ليتلقفها عنهما المحدث صاحب الحنجرة الأسطورة "النور الجيلاني" فيثبت ما أرسياه من إبداع، وتبعهم بعد ذلك ٱخرون كثر أضافوا وزانوا.
وطيلة تلك السنوات ظلت هذه الأغنية تدق أجراس ذاكرة السودانيين وتهز أعطافهم طربا، ممعنة في السهولة والبساطة، مبحرة في الحلاوة والرقة، معبرة عن واقع عاشه مرددوها ردحاً من الزمان في الأصالة السودانية.
****
........ هاشم خوجلي ..........
****
أغنية "سِمْسِمْ القَضارِفْ"
للمغنية السودانية الأسطورة
"عائشة الفلاتية"
****
ياسمسم القضارف
الزول صغير ماعارف
ياقِلَيب الريد
كلما هديتك شارِف
**
أمانه يا غِزَيِّل
في سرحَك المِنيِّل
قسيم الريد
لا جاك عِشا لا مقَيِّل
**
يا الأخدَر الهُنودي
حرقت ليك بُلودي
يا خالقني
وريني عين مريودي
**
طلعت فوق السمُر
بشوف جلابة التمُر
يا خير تعال
المال فِداية العُمُر
**
حبيب تعال نِتْقادَم
نسير سوى ونِتْكالَم
أطير حِدَي
واختفو من العالَم
**
يايُمة لاتدقَّنو
العُقَّر مابلدَنُّو
ألفين جنيه
من أمه مابجيبنُّو
**
شديتو فوق الهولو
وندهت ليهو رسولو
حبيب الروح
محل مايروح بنزورو
**
حبيب بَريدك ريدة
ريدة الحمام لي وليدا
حبيب تعال
خلي النتِم الريدا
**
يايُمة ماني وْحَيدي
شايلة الصغير فوق إيدي
مابي الفراش
وداير الرقاد فوق ايدي
**
لو ما بخاف الرقبه
بسدُر معاك العقبه
عِقد السوميت
يالفصلوك في الرقبة
**
السِمسِم الداقِنُّو
تحت السرير داسنو
يا الله هوي
وينو الحبيب دايرنو
**
الأصفر الهُنودي
حاربت ليك بِلودي
الله الكريم
يتم لي مريودي
**
السُرَّتي اب حباكة
التحتو الناس تتباكى
إن جاني الموت
ما بكفنوني بلاكا
**
السِمسِم الفي الغابة
العِرفة فينا اتغابى
يمكن جفا
ويمكن عليهو رقابة
**
توب الكِرِب المتني
دايراك حِزام لي بطني
الله الكريم
من نارك الشوَّتني
****
.......... تقديم وتجميع..........
......... هاشم خوجلي..........
****