مهما قالوا الناس علينا

نحن حبنا ما بزول

نبني دنيانا في محنة

وما بهمنا قول عزول

 

يا حبيبي عوازلك إنت

قصدهم وأد الغرام

يمحوا كل البينا نحن

ويزيلوا من قلبي الضرام

 

مستحيل أتخلى عنك

حتى من كلمة ملام

ليك أشواقي وحناني

وليك كل الإحترام

 

كل كلمه أهديها ليك

بتحكي حبي واشتياقي

رغم إنو وصالنا قاسي

ريدي في أعماقي باقي

 

ما أظن تجرح شعوري

وما أظن تقبل فراقي

تشعل النار في ضلوعي

تزيد لهيبي وإحتراقي